O Deportivo Abanca comeza a Liga cun empate diante do Badalona

Non foi a mellor estrea posible. O Deportivo Abanca quedou sen gol nun partido plano, de poucas ocasións e xogado cun ritmo lento. O Badalona deu coa tecla para anular o xogo ofensivo que as coruñesas exhibiron na pretemporada. E grazas, xa que a mellor ocasión da primeira parte foi visitante. Inés Pereira sacou o disparo de Chamorro.

A portuguesa, decisiva a pasada temporada, comezou a campaña ao mesmo nivel. Tivo que rexeitar unha falta de Llompart.

Tivo ocasións o Deportivo. Olaya Enrique tentouno tamén de falta directa, poñendo a proba a porteira visitante. A mellor xogada colectiva das galegas estivo protagonizada por dúas mulleres que saíron do banco. Bárbara Latorre é a que centra e Espe Pizarro a que remata desviado. 

O VAR apareceu en Riazor para revisar un posible penelti contra o Deportivo, sen consecuancias. 0 -0 ao final. Foi tan só a primeira xornada.