O Dépor anuncia recomendacións para os afeccionados que acudan ao Teresa Herrera

O R. C. Deportivo trasladou recomendacións de seguridade para a xente de cara ao encontro de hoxe do Teresa Herrera fronte ao Real Madrid.

Cortes de tráfico

O Concello da Coruña previu cortes ao tráfico rodado desde as 19:00 horas nas seguintes vías:

-Paseo Marítimo

-Avenida Manuel Murguía

-Avenida da Habana

Por este motivo, o Club recomenda aos afeccionados planificar con antelación os seus desprazamentos cara a Abanca-Riazor, ademais de acudir ao estadio e entrar con tempo suficiente para evitar aglomeracións nos accesos.

Recomendacións para protexerse da eclipse

A eclipse poderá observarse desde diferentes zonas de Abanca-Riazor, concretamente en Pavillón Superior, Pavillón Inferior —nas primeiras filas do córner da esquerda— e Preferencia.

Os expertos lembran que é imprescindible utilizar lentes homologadas para a observación solar durante todo o fenómeno, previsto aproximadamente entre as 19:30 e as 21:30 horas.

A única excepción será durante a fase de eclipse total, que terá lugar exactamente entre as 20:28:13 e as 20:28:56 horas, cando non será necesario utilizar lentes.

Dende o club manifestan isto para que a celebración do encontro transcurra da mellor forma posible. Se non vas velo en Riazor, ás 21:00 emitirémolo na TVG e en AGalega. Porque, recorda, o fútbol e este Dépor-Real Madrid, mellor á Galega.