O Dépor Abanca busca o seu primeiro triunfo en Riazor ante un Athletic en construción
Fran Alonso non poderá contar con Espe Pizarro, lesionada de longa duración, nin con Mariña, ao estar cedida polo Athletic
O Deportivo Abanca afronta este domingo un duelo de altos voos en Riazor fronte ao Athletic Club, un clásico da liga F que chega cargado de expectativas. As herculinas queren brindarlle á súa afección a primeira vitoria da tempada tras un inicio con boas sensacións, pero sen o premio dos tres puntos.
"Non sei se é bo momento para xogar contra o Athletic, pero queremos os tres puntos"
O Dépor non poderá contar con Espe Pizarro, lesionada de longa duración, nin con Mariña, ao estar cedida polo Athletic. En cambio, Vera podería reaparecer tras adestrarse parcialmente co grupo e Milene apura prazos para regresar pronto.
Fran Alonso subliña que estas ausencias son unha ocasión para que outras xogadoras dean un paso adiante e se consoliden no once.
