O de Xetafe pode ser o maior desprazamento celtista da última década

Pode ser o maior desprazamento celtista da última década. Superando os 3.000 da semifinal europea en Manchester. Daquela, a viaxe estaba condicionada pola viaxe en avión, agora é máis doado ir a Xetafe, en coches particulares, autobuses, tren ou avión.

Dende Galicia, pero tamén dende outras cidades españolas, hai celtistas que se desprazarán para gozar da gran cita do sábado. Calcúlase que arredor de 4.000 seareiros lograron entrada polo momento, pero haberá máis que se unan á previa durante toda a tarde.