O Coruxo reconcíliase coa súa afección cunha goleada (3-0)

O Coruxo gañou no seu campo do Vao por 3-0, un resultado que lle permite reconciliarse coa súa afección despois dun inicio dubitativo de campionato como local no que só acadara un triunfo. 

Derrotou a un Langreo co que empata a dezasete puntos na zona media da clasificación e afasta o descenso a seis puntos. Os goles de Hugo Rodri (23'), Borja Domínguez (70') e Andriu (92') aseguraron un triunfo claro e xusto do equipo de David de Dios.