O COB gaña en Navarra e está moi preto de volver á LEB Ouro

O Club Ourense Baloncesto gañou no partido de ida da final da LEB Prata na pista de Navarra (62–70) e defenderá no Paco Paz os oito puntos de vantaxe. 

Os ourensáns sempre foron por diante, no primeiro tempo con marxes moi pequenas (31–34 ao descanso) e con vantaxes de máis de dez puntos a partir do terceiro cuarto. O Navarra maquillou o resultado un pouco nos últimos dous minutos e chega con algunha opción para a volta. 

No COB os máis destacados foron Dukanovic e Lasenbergs, os dous con 15 puntos.