O CHUAC é lider europeo nas intervencións de patoloxías renais co robot Da Vinci

O servizo de Uroloxía do CHUAC é líder en Europa no tratamento cirúrxico de tumores e patoloxías do ril co robot Da Vinci. Con este sistema o especialista non opera directamente sobre o paciente, senón que intervén desde unha consola coa que manexa virtualmente o instrumental.

A visión aumentada en tres dimensións permite traballar coa máxima precisión, o que se traduce nun postoperatorio menos doloroso e en estancias hospitalarias máis curtas.

A cirurxía robótica implantouse nos hospitais do Sergas a mediados de 2021. Só no hospital da Coruña xa se empregou en máis de 700 intervencións.