O certificado da covid é obrigatorio para acceder a un ximnasio

O Tribunal Superior de Xustiza de Galicia tamén autorizou a posibilidade de esixir o certificado de vacinación nos ximnasios galegos. A medida entrou en funcionamento ás doce desta noite. 

No ximnasio Cross-Fit de Lugo, a clientela coa que falamos este sábado está conforme por dous motivos: porque a medida evita o peche das instalacións e porque senten máis seguridade.

As persoas que non o poñen no seu perfil da aplicación PassCovid, da Consellería de Sanidade, deben deixar unha fotocopia do certificado no centro. Se non contan co documento, tamén poden presentar unha proba negativa.