O Celta xa suma 101 días sen gañar en Liga

Con o seu empate onte á noite fronte ao Raio en Vallecas, o R. C. Celta xa suma 101 días sen celebrar unha vitoria na Liga, onde gañou por última vez o pasado 1 de setembro no campo do pechacancelas Almería.

O equipo dirixido por Rafa Benítez segue acumulando rexistros negativos. É o peor Celta como local nas 58 tempadas que disputou en Primeira División, cun balance de catro empates e outras tantas derrotas en oito partidos.

Ademais, o equipo celeste está a asinar a tempada do seu Centenario o peor arranque ligueiro dos últimos 80 anos despois de sumar unicamente dez puntos nas 16 primeiras xornadas. O Celta é antepenúltimo a 3 puntos do Cádiz e Sevilla, os equipos que marcan a barreira da salvación aínda que o conxunto hispalense ten un partido aprazado contra o Atlético.

O vindeiro sábado, o conxunto de Benítez recibirá en Balaídos ao Granada, ao que avantaxa en dous puntos na clasificación. Os dous equipos só gañaron un encontro no que vai de Liga.

Ademais, o Celta non celebrou ningún triunfo no seu estadio e o equipo andaluz ningún a domicilio.