O Celta manexa dúas opcións para reforzar a dianteira
O Celta manexa dúas opcións para reforzar a dianteira
Tal e como adiantamos o pasado 2 de xaneiro, a aposta era Fran Navarro, pero o interese do Braga no último momento complica a operación
O internacional suízo Seferovic é a segunda baza que ten Luís Campos
O pasado 2 de xaneiro a Televisión de Galicia anticipou o obxectivo prioritario do Celta no mercado de inverno. O dianteiro Fran Navarro era a elección de Carvalhal co completo acordo de Luís Campos. O xogador español do Gil Vicente é un goleador moi sólido na Primeira División de Portugal e está desexando dar un salto na súa carreira.
✒️ O dianteiro valenciano Fran Navarro @frantoro9 está a punto de fichar polo @RCCeltaGL por 5 temporadas
— En Xogo tvG2 (@EnXogo_tvG2) January 2, 2023
📌Formouse no @Valencia
📌Leva dous anos no @GilVicente_fc 🇵🇹
📌Na anterior campaña marcou 1⃣6⃣ goles e na actual leva 8⃣
📌Trátase dun xogador de ataque pic.twitter.com/au49r3gTGQ
A prioridade de Navarro era o Celta pero a última hora apareceu o Spórting de Braga cunha oferta que case dobra as cantidades que o cadro vigués poñía enriba da mesa e complicaron a operación.
Luís Campos terá que moverse rápido porque si queda sen Navarro haberá que activar unha segunda opción. Aí aparece o internacional suizo Haris Seferovic, xogador que pertence ao Benfica e que estaba cedido no Galatasaray que tamén asesora o director deportivo portugués. Os números de Seferovic non están a ser os que agardaba no intre da cesión e a posibilidade de vir ao Celta tamén lle agrada ao dianteiro e ao equipo que ten os seus dereitos.
Haberá que estar atentos ás vindeiras horas porque van ser de moito movemento na casa do Celta.
