O Celta comezará a Europa League no campo do Stuttgart

A UEFA deu a coñecer o calendario da Europa League para esta temporada e a orde de partidos que terá que afrontar o Celta. Comezará no campo do Stuttgart, o 25 de setembro ás 21:00 horas. 

Logo encadeará dous encontros en Balaídos no mesmo horario. Recibirá ao PAOK de Salónica e ao Niza francés. Na xornada catro, o 6 de novembro, tocaralle viaxar ao campo do Dinamo de Zagreb (18:45) e o 27 de novembro xogará en Bulgaria diante do Ludogorets, tamén ás 18:45.

Das tres últimas xornadas dúas serán como local. O 11 de decembro recibe o Bolonia (21:00) e o 22 de xaneiro o Lille (21:00). Rematará o 29 de xaneiro no campo do Estrela Vermella.