O Celta busca retos para non rematar "en terra de ninguén"
Logo da derrota en Vilarreal o Celta quedou on once puntos sobre o descenso e a dez de Europa
Betis e Real Madrid, os dous próximos partidos serán en Balaídos
A saída a Vilarreal non resultou proveitosa coma tantas outras veces e iso que o Celta tivo ocasións e determinación para intentar acurtar distancias coa zona europea. Pero ao cabo da xornada segue en terra de ninguén. Iso si, con 30 puntos por disputarse.
O Betis e o Real Madrid son os dous próximos rivais, os dous en Balaídos. Os andaluces, inmersos en tres competicións, chegan con Borja Iglesias enchufado. Tamén estaban nun bo momento en xaneiro cando o Celta gañou no Villamarín.
Pero Javi Galán non estará e tampouco Cervi. Os dous por acumulación de cartóns. Coudet terá que recompoñer a banda esquerda.
