O Cangas fortalece a posición de pivote co experimentado Javi García

Foi presentada a nova fichaxe do Cangas Frigoríficos do Morrazo. O leonés Javi García. Trátase dun pivote de 29 anos, procedente do Cidade de Logroño. Ocupará o lugar do exipcio Sheriff. Acumula cento oitenta partidos en Asobal. Na última campaña marcou oitenta e dous goles, cunha media de 2,9 por partido. Toda unha garantía para un posto fundamental no equipo tanto en defensa como en ataque.

Javi García coñece ben o Gatañal e sabe como se vive o balonmán en Cangas. De feito, o ambiente que hai no Morrazo foi un dos factores fundamentais para a súa elección de equipo.