Publicador de contidos
Publicador de contidos

O breoganista McLemore enfróntase á Policía Local tras saír cambaleándose dun pub

O breoganista McLemore enfróntase á Policía Local tras saír cambaleándose dun pub

O xogador de Misuri negouse a someterse á proba de alcoholemia e quería conducir igual o seu coche

No Río Breogán sinalaron que os problemas co idioma tiveron moito que ver no episodio

G24.gal 08/03/2024 12:00 Última actualización 08/03/2024 12:08

O xogador del Río Breogán Ben McLemore protagonizou ás cinco da madrugada deste xoves un incidente coa Policía Local de Lugo. Os axentes denunciaron ao xogador porque, en estado ebrio, conduciu o seu turismo, a pesar de que lle advertían que non o fixese, e negouse a realizar a proba de alcoholemia, chegando a poñerse agresivo cos policías.

Segundo El Progreso, os feitos sucederon cando unha patrulla do Grupo Operativo Nocturno atopábase auxiliando unha persoa en estado de embriaguez, na praza de Augas Férreas, e observou como outro mozo saía dun local de lecer nocturno con signos de atoparse baixo a influencia de bebidas alcohólicas, xa que tiña dificultades para manterse en pé.

Esta segunda persoa era Ben McLemore, un das últimas fichaxes do conxunto breoganista e no que están depositadas boa parte das esperanzas do club para manter a categoría. O home dirixiuse cara a un turismo que se atopaba estacionado na zona e acendeu o motor, polo que os axentes achegáronse a el e ordenáronlle que non movese o vehículo.

O xogador de Misuri (cuxo nome non foi facilitado pola policía, pero si puido ser confirmado por El Progreso) apagou o coche e asegurou que ía esperar uns amigos para irse con eles. Os axentes abandonaron o lugar para continuar realizando outras intervencións pero, tan só uns momentos máis tarde, observaron que conducía o seu turismo.

Os policías déronlle o alto e pedíronlle que se sometese á proba de alcoholemia, pero o mozo negouse "rotundamente", a pesar de ser advertido das consecuencias penais que implicaba non realizar a proba.

Segundo a información policial, McLemore negouse varias veces para seguir as indicacións dos axentes e ademais mostrou "unha actitude agresiva", chegando a golpear a un dos policías na man. No transcurso da intervención, o xogador, de 31 anos, encerrouse no seu turismo e tentou arrincar de novo, "podendo poñer en risco a integridade dos axentes".

Finalmente, foi identificado e abríronlle dilixencias por conducir baixo a influencia de bebidas alcohólicas e por negarse a someterse ás probas de alcoholemia.

No Breogán sinalaron que os problemas co idioma tiveron moito que ver no episodio.

Publicidade
Publicidade
Publicidade
Publicidade
Pódeche interesar