O Boavista, primeira pedra de toque na preparación do Celta de Carvalhal

O Celta recupera os seus internacionais. Volveu Luca de la Torre, que estivo cos Estados Unidos, e fíxoo antes de tempo. Tamén se vai incorporar Aidoo, que non xogou con Ghana nin un só minuto no Mundial, tal e como lle aconteceu a De La Torre cos Estados Unidos. 

O Celta disputa este mércores un amigable co Boavista. Será en Balaídos ás seis da tarde e a porta aberta e de balde para todos os afeccionados. Carvalhal deu a lista de xogadores e agarda tomar decisións para as necesidades que pode ter o equipo no mercado de xaneiro.