O bloqueo dos camións comeza xerar problemas de abastecemento

A decisión da Dirección Xeral de Tráfico de paralizar a circulación de vehículos pesados nalgúns puntos por mor da neve empeza a ter consecuencias nos lugares de destino.

A patronal dos supermercados, ASEDAS, asegura que xa está a provocar desabastecemento nalgúns establecementos comerciais.

"Consideramos que foi desproporcionada, precipitada e establece un preocupante precedente na garantía do servizo esencial de abastecemento de alimentación e outros produtos esenciais", sinala nun comunicado a Asociación Española de Distribuidores, Autoservizos e Supermercados.

A imaxe dos camións bloqueados tamén fixo que moita xente acudira aos supermercados por medo a que a situación meteorolóxica adversa se prolongue no tempo.

Nalgúns establecementos producíronse imaxes insólitas e algúns andeis quedaron practicamente baleiros.