O BBVA contempla comprar só o 30 % do Sabadell para que a opa sexa existosa
A entidade modifica a súa estratexia e consegue a autorización do regulador dos EUA para rebaixar do 50 % ao 30 % o limiar de aceptación da opa por parte dos accionistas
(Europa Press/David Zorrakino)
O BBVA obtivo autorización da Comisión de Bolsa e Valores dos Estados Unidos (SEC) para rebaixar a condición mínima de aceptación da Oferta Pública de Adquisición (OPA) hostil sobre o Banco Sabadell. A entidade dirixida por Carlos Torres considerará exitosa a operación se logra que polo menos o 30 por cento dos accionistas do Sabadell a acepten. Ata o de agora o limiar estaba fixado no 51 %.
O banco vasco pediu unha dispensa ao regulador americano, xa que a entidade cotiza na bolsa de valores dese país. Esta madrugada a SEC deulle o visto e prace a este cambio, que se incluirá no folleto que o BBVA está tramitando ante a Comisión Nacional do Mercado de Valores e que será remitido aos seus accionistas coas condicións de oferta e os prazos da OPA.
As novas condicións da OPA
Tras o visto e prace da SEC, o BBVA poderá renunciar á condición mínima de aceptación da OPA inicialmente establecida. Se nun primeiro momento se lle esixía que polo menos o 50 % dos accionistas do Sabadell aceptaran a operación, agora esta porcentaxe se reduce ao 30 %.
Ademais, o supervisor dos EUA permite compatibilizar os prazos previstos na normativa estadounidense coa normativa española respecto a cuestións como a entrada en vigor do folleto americano.
Ademais, permite axustar a contraprestación contemplada na oferta pública de adquisición, e que inclúe o aboamento en efectivo en forma do dividendo de 0,07 euros por acción abonado o venres pasado por parte do Banco de Sabadell e que deixa o cambio en 0,70 euros de cada título do BBVA por cada 5,5483 títulos do banco catalán.
Con estas condicións aprobadas polo regulador bolsista estadounidense facilitase o camiño para que a opa do BBVA sobre o Sabadell sexa un éxito.
