O Baxi Ferrol defende na Malata unha vantaxe de 15 puntos ante o Beroe Stara
O encontro comeza ás 20:15 e poderá seguirse en directo pola G2 e tamén en AGalega.gal
O adestrador do Baxi Ferrol, Lino López, afirmou ante o duelo de hoxe ante o Beroe Stara Zagora, clasificatorio para a fase de grupos da Eurocopa de baloncesto feminino, que a afección do equipo universitario "é o valor máis grande" que teñen e que o seu equipo "cre" no que están a facer.
O técnico sinalou nunha rolda de prensa que o encontro de ida, disputado a pasada semana en Bulgaria, foi o "primeiro partido" real do curso ao considerar que os da pretemporada son equiparables a "adestramentos".
López recalcou que o Baxi Ferrol obtivo en Bulgaria "unha boa renda" (15 puntos), pero indicou que o Beroe Stara Zagora dispón de "moita capacidade de anotación", fronte á cal, ao seu xuízo, expúxose "un desgaste moi bo, pero agora queda a segunda parte; as súas mellores xogadoras non tiveron un grande acerto, algo que non é habitual".
O encontro comeza ás 20:15 e poderá seguirse en directo pola G2 e tamén en AGalega.gal
