O Arousa salva un punto cun gran gol de Luís Nuño (2-2)

O Arousa e o Leganés B empataron 2-2 nun partido que tivo moitas alternativas. Avisou primeiro Mon cun disparo desde fóra da área pero o Leganés tamén xerou moito perigo na área de Manu Táboas. 

Xusto antes do descanso marcou Luismi o 1-0. Parecía o partido controlado polo Arousa pero nun minuto chegaron os goles de Casio e Diego. Quedaban 25 minutos e o Arousa víase por debaixo no marcador. 

O guión era moi similar ao da derrota diante do Langreo pero o equipo vilagarcián sacou forzas e acadou o empate logo dun gran gol do asturiano Luís Nuño.