O Arenteiro desperdicia a superioridade numérica e perde en Getxo no último minuto

O Arenteiro perdeu unha gran ocasión para puntuar no campo do Arenas de Getxo. Perdeu por 2-1 diante dun rival que xogou con dez durante máis de media hora por expulsión de Pau Álvarez. 

No primeiro tempo o Arenas conseguiu marcar un gol grazas ao acerto do seu dianteiro máis bulideiro, o ex do Real Madrid Baba Diocu. O vermello directo cambiou a dinámica do partido e o equipo do Carballiño empatou cun tanto de Víctor Mingo. 

Dominaba o Arenteiro que mesmo pediu un penalti no 88 pero a revisión nas imaxes non resultou propicia. E na seguinte acción, no 89, o local Pablo García remataba á rede un centro nunha falta.