O Arenas - Pontevedra, adiado por culpa das chuvias en Getxo

O Pontevedra non puido xogar o seu encontro da xornada 28 na Primeira Federación. 

O terreo de xogo no campo de Fadura, escenario do partido, estaba impracticable minutos antes das 16:15h, hora prevista para o asubío inicial. Totalmente inundado. As condicións meteorolóxicas en Getxo impedían xogar.

Así as cousas, os dous clubs anunciaban nas súas redes o aprazamento do choque. Nos próximos días comunicarase a data na que se vai disputar este partido.