O apoxeo da investigación biomédica en Santiago

A produción científica en Galicia converteuse nun referente a nivel estatal no campo da biomedicina. Só en Santiago hai agora mesmo preto de 1.500 investigadores biomédicos. Desde os seus centros, o IDIS e o CIMUS, conseguiron o ano pasado máis de 50 millóns de financiamento, competindo cos mellores hospitais clínicos e universidades de Europa.

 Son cifras que quintuplican as de hai dez anos e que sitúan a capital de Galicia como un referente internacional en investigación sanitaria.