O ano comeza cunha incidencia de 2.295 casos en España

O ano comeza con 372.766 novos contaxios de coronavirus desde o xoves, que disparan a incidencia acumulada a 2.295 (520 puntos máis que o xoves), e a ocupación nas ucis ao 21,8 %, moi por encima do 15 % establecido polo Ministerio de Sanidade como risco alto.

Segundo a primeira actualización do ano 2022 dos datos da pandemia a nivel nacional, todo indica que a transmisión na sexta onda aínda non tocou teito e desde o pasado xoves contabilizáronse 68 falecidos máis e a presión hospitalaria, aínda que non crece ao mesmo ritmo que as infeccións, acúsase o seu incremento e elévase a 10,1 % pacientes covid en planta.

Cataluña, cun 40,2 % de ocupación nas súas ucis, segue sendo a comunidade con maior presión estas unidades de coidados intensivos, seguida do País Vasco, co 30,7 %. Con todo, no extremo contrario, e a 30 puntos de diferenza, están as de Galicia (6,5 % e as de Estremadura (6,7 %).

A maior transmisión segue en Navarra (5.523), que supera os 5.000 casos por cada 100.000  habitants en 14 días, seguida do País Vasco (4.142).