O anestesista da clínica dental de Alzira quedou en liberdade con cargos
A xuíza di que non ten indicios suficientes para atribuírlle a morte da nena exclusivamente a unha imprudencia do facultativo
Despois de tomarlle declaración durante máis de seis horas, a xuíza descartou enviar a prisión provisional o anestesista da clínica dental de Alzira, tal e como pedía a Fiscalía.
Non ve que haxa risco de fuxida e tampouco atopa, polo momento, suficientes indicios para determinar que a morte da nena de seis anos se poida atribuír exclusivamente a unha imprudencia do facultativo.
Así e todo retiroulle o pasaporte e manteno investigado por delitos de homicidio por imprudencia profesional, lesións, omisión de socorro e furto, porque se descubriu que roubaba os analxésicos dun centro hospitalario.
A xuíza vai continuar coas dilixencias. Pediu a historia clínica da nena falecida e da que tivo que ser hospitalizada e tamén os resultados das analíticas que se lles fixeron
A policía tamén detivo a propietaria da clínica dental, que está aínda pendente de declarar.
.png)
