Publicador de contidos

Publicador de contidos

Nova folga en Renfe, os maquinistas convocan catro días de paros en marzo

Nova folga en Renfe, os maquinistas convocan catro días de paros en marzo

Serán tres xornadas de folga de 24 horas os días 1, 4 e 12 de marzo e unha de paros parcias o día 6 do mesmo mes.

Denuncian o incumprimento dalgunhas cláusulas da Xornada e do Plan de Emprego do III Convenio Colectivo.

Renfe anunciou que xa contan coa autorización do Ministerio de Facenda e Función Pública para a reposición das prazas previstas. 

 

G24.gal 22/02/2024 08:42

O Sindicato Español de Maquinistas Ferroviarios (SEMAF) convocou catro xornadas de folga no Grupo Renfe para o próximo mes de marzo. Serán tres xornadas de folga de 24 horas os días 1, 4 e 12 de marzo e unha de paros parciais o día 6 do mesmo mes. 

Os maquinistas denuncian o incumprimento dalgunhas cláusulas da Xornada e do Plan de Emprego do III Convenio Colectivo. Segundo recollen nun comunicado, a paralización do Plan de Emprego implica a interrupción de todos os procesos de recursos humanos do grupo, incluídas novas entradas mediante OPE, os movementos entre residencias e entre gráficos e o Plan de Desvinculacións e Xubilación Parcial.

O sindicato criticou: "Os responsables do grupo non son capaces de albiscar a activación dos procesos de Recursos Humanos ao ter desde os Ministerios de Transporte e Facenda conxeladas as autorizacións para a reposición do persoal".

Segundo informou este mércores Renfe, o grupo ferroviario xa conta coa autorización do Ministerio de Facenda e Función Pública. E explica que o acordo sobre a aplicación do Plan de Emprego recollía a convocatoria de novas prazas de maquinistas en función da taxa de reposición fixada, que "xa foi aprobada nesta semana".

Tras a autorización do Ministerio de Facenda e Función Pública, en Renfe precisan que "non existen motivos para esta convocatoria de folga, xa que se van convocar as novas prazas previstas".

Publicidade
Publicidade
Publicidade
Publicidade
Pódeche interesar