Non hai máis positivos no Deportivo, que retoma os adestramentos

Un positivo de covid-19 no primeiro equipo do Dépor obrigou a suspender o adestramento matinal.

Ao longo da mañá, futbolistas e técnicos sometéronse ás pertinentes probas PCR. Á vista dos resultados, e illada a persoa afectada tal e como establecen as autoridades sanitarias, o Dépor adestrarase ás 18:00 h. na Cidade Deportiva.

Ás 19:45 h, Borja Jiménez dará de maneira telemática a rolda de prensa previa ao partido de mañá xoves ante o CA Osasuna correspondente á segunda eliminatoria da Copa do Rei, que será a partido único.