Neva a 600 metros de altitude, pero sen incidencias nas estradas

Volveu nevar en Ourense e Lugo esta noite por riba dos 600 metros de altitude. A primeira hora da mañá, Tráfico mantiña varias estradas da en nivel verde por presenza de neve pero o traballo das quitaneves e a choiva mantiveron as vías limpas.

A neve caída esta noite callou por momentos na autovía das Rías Baixas e na Nacional 525 dende Trasmiras ata A Gudiña, e na A-6 e a N-VI dende Baralla a Pedrafita. Pero o traballo continuo das máquinas quitaneves fixo que esta mañá non houbese importantes problemas para circular.

Atopouse xa neve por riba dos seis centos metros de altitude na Limia. 

Contra o mediodía a cota subiu ata os 800 e 1.000 metros xa pola tarde. Ao non haber incidencias, a neve é moi benvida. De seguiren estas estampas, as montañas do país terán este ano un branco Nadal.