Negreira celebra a Feira do Románico durante tres días cheos de actividades
Ofrece ata o domingo un mercado medieval, música, obradoiros, exhibicións de cetrería, combates e espectáculos de rúa
Na Feira do Románico de Negreira recrean o traballo dos canteiros medievais e das figuras dos bestiarios da época.
"Estamos reproducindo o que podería ser a cabeza dun dragón, como nas gárgolas das igrexas románicas. Son fantasías que parten de animais mitolóxicos. Paréceme que vai a ton co románico".
A praza do Cotón e o campo da feira de Negreira enchéronse de postos de artesanía con todo tipo de produtos.
"Somos artesáns, facemos garfos de aceiro".
"A xente estase disfrazando, e iso é o que gusta cando fas unha feira medieval".
"É a primeira vez que vimos a palillar, vimos de Urdilde, e moi ben".
Tampouco faltaron as actividades habituais de toda feira medieval, entre elas cetrería, espectáculos de rúa, música, xogos e actividades para o público infantil.
"Estamos animando a xente toda de Negreira, dedicámonos a facer música, e penso que estamos conseguindo os obxectivos".
A Feira do Románico de Negreira, que chega xa á súa décimo oitava edición, vai continuar durante toda a fin de semana.
