Nacho, sancionado con tres partidos pola entrada a Portu

Nacho Fernández, defensa do Real Madrid, foi castigado con tres partidos de sanción pola entrada a Portu, xogador do Xirona. Esa falta supuxo o cartón vermello directo no minuto 94. 

Segundo o Comité de Disciplina da Federación Española de Fútbol, a sanción xustifícase por "empregar xogo perigoso causando dano que mingua as facultados do ofendido, con multa accesoria ao club en contía de 1.050 euros e de 600 ao infractor". 

Despois desa xogada anunciouse que Portu padecía un "edema óseo no maléolo tibial do nocello dereito e unha rotura muscular na parte esquerda do glúteo".