Publicador de contidos

Publicador de contidos

Na procura dun pregón de Manuel María de hai 30 anos

Na procura dun pregón de Manuel María de hai 30 anos

Veciños de Parga piden axuda para atopar o escrito que o autor lles dedicara

G24.gal 19/08/2022 13:47

Distintas asociacións de Parga únense hoxe para facerlle un tributo a Manuel María porque hai 30 anos o escritor pronunciara un pregón neste lugar. O caso é que ese pregón é agora o documento máis buscado na localidade.

Suso foi quen trouxera a Manuel María dende Monforte. "Fixo o pregón, visitou unhas persoas que quería ver, e veu comer á miña casa, e pola tarde recolleuno Saleta, a súa dona, para ir á Coruña, pasar a fin de semana", explica.

"O pregón perdémolo. Naquel momento miña nai tiña un bar, e eu tiven que irme traballar alí, e a persoa que estaba na comisión de festas nunca atopou o pregón, porque supoñemos que llo dera a el. Cando faleceu esa persoa buscámolo entre os seus papeis e non apareceu", relata Suso.

Na Fundación Manuel María tampouco o teñen, e agora xa non saben onde buscar. Tamén organizaron unha exposición-homenaxe.

Os actos comezan esta tarde ás seis. Haberá documentais, música e poemas.

Publicidade
Publicidade
Publicidade
Publicidade
Pódeche interesar

Publicador de contidos