Núñez Feijóo confía en que as eleccións de maio sexan as do "cambio político"

O líder do Partido Popular, Alberto Núñez Feijóo, considera que "Pedro Sánchez necesita máis a Vox" que o propio PP. Nunha entrevista no diario dixital El Confidencial di tamén que agarda que as eleccións municipais e autonómicas do 28-M vaian ligadas a un cambio de ciclo político.

"Temos bos equipos, temos equipos unidos, temos un partido cohesionado e vin moita ilusión nos nosos candidatos. Eu espero a vitoria en maio e espero que se consolide ou que se inicie a consolidación dun cambio político en España".