Mandatarios suramericanos acoden ao velorio de Mujica no Uruguai nesta segunda xornada de loito
Miles de persoas despediron o expresidente nunha xornada de dó colectiva e ao berro de "Pepe, amigo, o pobo está contigo"
Ao funeral deste xoves asistirán os presidentes de Colombia, Chile, Bolivia e O Brasil
REUTERS/Martin Varela Umpierrez
Segunda xornada de loito oficial no Uruguai pola morte de José Mujica, un dos seus presidentes máis queridos. Ás dez da mañá hora local (as 15:00 h en Galicia) abrirá a capela ardente situada no Pazo Lexislativo.
Por alí achegaranse cidadáns anónimos para darlle o derradeiro adeus "ao xefe de Estado máis humilde do mundo", pero tamén mandatarios internacionais, como o seu amigo, o presidente do Brasil Lula da Silva, o colombiano Gustavo Petro, o chileno Gabriel Boric ou o boliviano Luis Arce.
O corpo do expresidente será cremado este venres e a súas cinsas esparexidas na súa finca privada. O propio Mujica manifestara o seu desexo de descansar xunto a súa cadela Manuela, que definiu no seu momento como o integrante máis fiel do seu Goberno e permanece enterrada xunto a un carballo ás portas da súa propiedade.
Multitudinaria despedida a Mujica
Os uruguaios achegáronse en masa o Palacio Lexislativo de Montevideo, onde son velados os restos mortais do expresidente de Uruguai José Mujica, falecido este martes aos 89 anos.
Logo de que o féretro chegase á sede do Poder Lexislativo sobre as 13:15 hora local, o velorio foi pechado por unhas horas para un selecto grupo de persoas.
Alí estiveron, entre outros, a viúva de Mujica Lucía Topolansky e tamén o presidente e a vicepresidenta de Uruguai Yamandú Orsi e Carolina Cosse.
Ao momento de pasar fronte ao féretro moitos deixaron distintas ofrendas, como flores e bandeiras.
O velorio de Mujica continuará no Palacio Lexislativo ata as 00:00 horas deste xoves, momento en que se pecharán as portas do histórico edificio.
Mentres tanto, ás 08:00 hora local volverán abrir e polo momento non está confirmada a duración do velorio.
Si qwue é un feito que este xoves arribarán á capital uruguaia para participar da cerimonia o presidente do Brasil Luiz Inácio Lula da Silva e o seu homólogo de Chile Gabriel Boric. Tamén está prevista a presenza do colombiano Gustavo Petro e do boliviano Luis Arce.
Acompañado por miles de persoas, o cortexo fúnebre partiu este mércores desde a Torre Executiva de Montevideo cara ao Palacio Lexislativo.
No medio do percorrido pasou polas sedes do Movemento de Liberación Nacional Tupamaros, do Movemento de Participación Popular e da Fronte Ampla.
Pepe Mujica faleceu este martes en Montevideo aos 89 anos, un ano despois de que lle descubrisen un tumor maligno no esófago e cando lle faltaba unha semana para chegar aos 90.
O 29 de abril do pasado ano, Mujica anunciou nunha conferencia de prensa que tiña un tumor no esófago. Pouco despois, revelou que era maligno e que debía tratarse con radioterapia, procedemento ao que foi sometido en Montevideo.
A comezos deste ano, o expresidente informou nunha entrevista co semanario local Procura que o cancro que lle foi descuberto no esófago se lle expandira ao fígado.
