Publicador de contidos

Publicador de contidos

Mouriño non descarta novas incorporacións, aínda que o ve "difícil"

Mouriño non descarta novas incorporacións, aínda que o ve "difícil"

Aspas pide cautela ao celtismo: "Temos que ir partido a partido"

G24.gal 11/08/2022 23:17

O presidente do Celta de Vigo, Carlos Mouriño, non descartou a chegada de novos reforzos antes de que se peche o mercado de fichaxes, aínda que o ve “difícil” se o centrocampista Denis Suárez ou o dianteiro Santi Mina non abandonan o equipo.

“Estamos abertos ás oportunidades que aparezan no mercado, pero é moi difícil porque xa sabedes o que ten que pasar”, explicou o dirixente en referencia á situación dos dous futbolistas declarados transferibles e que non poden xogar por decisión do club.

A pesar diso, o máximo accionista do Celta cre que o seu equipo parte con “unha vantaxe enorme” respecto a outros clubs de LaLiga porque “aínda que estamos no límite salarial como a maioría dos equipos, nós podemos inscribir a todos os que fichamos”.

Nun acto de DAZN en Vigo, Mouriño augurou que se verá a un Celta “alegre, que xogará ao ataque irá polos partidos”, aínda que eludiu marcarse Europa como obxectivo porque “chegaron moitos novos, veremos como se acopa o equipo”.

Preguntado polas “pancas” do Barcelona e se van en contra do control financeiro de LaLiga, o presidente do Celta dixo que non porque “está a usar a venda de activos e iso está dentro da legalidade”.

Aspas pide cautela

Iago Aspas dixo este xoves que o Celta de Vigo debe mostrar “cautela” ante as expectativas que xerou o equipo coa chegada de oito fichaxes, entre eles o porteiro arxentino Marchesín, os defensas Unai Núñez e Óscar Mingueza e os atacantes Paciencia e Carles Pérez.

“Temos que ir partido a partido. Cando cheguen as últimas dez xornadas veremos onde estamos”, afirmou o dianteiro celeste, quen lembrou o vivido nestas últimas tempadas.

“Hai 4 anos queriamos ir a Europa e case descendemos e fai dous falabamos de evitar o descenso e acabamos oitavos. Temos que ir con moita cautela”, insistiu Aspas durante o acto de presentación do primeiro partido de DAZN en LaLiga, o Celta-Espanyol.

O atacante é consciente de que neste curso pode “seguir facendo historia” se consegue o seu quinto Trofeo Zarra -agora está igualado con David Villa-.

“Metín máis goles do normal na pretemporada e iso pode ser sinónimo de que algo bo pode chegar”, afirmou Aspas, quen asume que o Celta aínda está “en construción” porque cambiou “a metade” do bloque do curso pasado.

Publicidade
Publicidade
Publicidade
Publicidade
Pódeche interesar