Morren once cabras en Baiona tras inxerir hortensias

En Baiona morreron once cabras tras inxerir hortensias. As perdas poden ascender a 2.800 euros segundo o seu propietario Celestino Barreiro. Os restos de poda estaban abandonados nunha beiravía e nunha leira privada do núcleo baionés de San Cosme en Chan da Lagoa. 

Celestino non entende por que o propietario dos residuos non os levou ao punto limpo moi próximo. Os restos vexetais aínda continúan alí. Polo que Celestino considera que se poderían producir máis casos.

Tamén considera que o Concello podería retiralas aínda que estean nunha leira privada porque son un perigo mesmo para os nenos.