Morre unha muller en Madrid tras precipitarse desde un décimo andar cos fillos, que quedaron graves

Unha muller de 48 anos morreu este sábado tras precipitarse desde un décimo piso nun edificio de Madrid cos seus dous fillos de 3 anos, que resultaron feridos graves.

Os feitos ocorreron sobre as 9:00 horas deste sábado tras o aviso dos veciños dun edificio da rúa Ricardo Ortiz, no distrito madrileño de Ciudad Lineal, segundo trasladou a EFE fontes policiais, que descartaron que sexa un caso de violencia de xénero.

Á súa chegada, Samur Protección-Civil confirmou o falecemento da muller, de 48 anos e nacionalidade española, e asistiu aos dous menores de 3 anos, que resultaron feridos graves e foron trasladados a distintos hospitais.

A Policía Nacional encargouse da investigación do suceso, no que interveu tamén Policía Municipal e Bombeiros do concello de Madrid.

As persoas con ideas suicidas e os seus achegados poden recibir axuda especializada a calquera hora no teléfono 024 e, ante situacións de emerxencia, tamén poden chamar ao 112.