Falece un home en Mos atrapado polo seu vehículo no garaxe
Falece un home en Mos atrapado polo seu vehículo no garaxe
O suceso rexistrouse na rúa Ludeiro no centro urbano da vila
Un home faleceu este sábado pola tarde no centro de Mos tras sufrir un tráxico accidente co seu vehículo. Foi atropelado polo turismo que tiña estacionado ás portas do garaxe. O condutor baixou do coche momentos antes do accidente.
A Policía Local de Mos acudiu ao lugar e instrúe o atestado. Unha ambulancia do 061 mobilizouse ata alí e o persoal sanitario xa non puido facer nada máis que certificar a morte do home.
🔴 #AXEGAInforma dunha persoa falecida ao ser alcanzada polo seu propio vehículo e rematar atrapada nun garaxe en #Mos. Foi necesaria a intervención dos bombeiros para liberar á vítima. Interviñeron: sanitarios, Bombeiros Porriño e Vigo, #GESMos e #PolicíaLocal. pic.twitter.com/1Z1y5d6df7
— 112Galicia (@112Galicia) August 20, 2022