Morre o actor Tim Curry, popular polos seus papeis en 'It', 'Scary Movie' ou 'The Rocky Horror Picture Show'

O actor e comediante británico Tim Curry, coñecido por interpretar ao Dr. Frank-N-Furter no clásico de culto 'The Rocky Horror Picture Show', faleceu onte á noite os 80 anos.

Curry, que levaba máis dunha década afectado de graves problemas de saúde, faleceu na súa residencia dos Ánxeles, segundo informou este mércores TMZ.

Nado en Cheshire (Inglaterra) en 1946, comezou a súa carreira no West End de Londres antes de dar o gran salto a Hollywood na década de 1960.

Aínda que non foi ata 1975 que a súa popularidade emerxeu na película 'The Rocky Horror Picture Show', onde interpretou a un científico travesti teimoso en crear ao home perfecto.

Máis tarde veu 'Annie', en 1982, encanando ao antagonista Rooster Hannigan co que se gañou así a fama de vilán que cultivou en papeis como 'Clue' ou 'Scary Movie'. Foi ademais o paiaso Pennywise nunha das primeiras películas de 'It', baseada na obra de Stephen King. Participou ao longo da súa carreira en diversas produccións de éxito, como So na casa 2.

Curry publicou o ano pasado as súas memorias, tituladas 'Vagabond', nas que repasa as súas cinco décadas de carreira, así como os seus inicios no teatro ata os seus papeis máis icónicos, e ofrece os detalles do derrame cerebral que sufriu en 2012 e do que nunca chegou a recuperarse do todo.

Ao longo da súa dilatada carreira, Curry recibiu tres nomeamentos aos premios Tonny e un Emmy, considerados os galardóns máis importantes da industria da televisión, en 1994 polo seu papel de Captain Hook (capitán Garfio) na serie 'Peter Pan and the Pirates'.