Morre Ladiña, o golfiño solitario que vivía na ría de Arousa, por un accidente cunha hélice

A Coordinadora para o Estudo dos Mamíferos Mariños (Cemma) informou da morte do golfiño solitario chamado Ladiña, que se asentara na ría de Arousa, por un accidente cunha hélice.

Segundo explica nun comunicado, a Cemma detectou a morte tras observar que a nai deste exemplar, Ladeira, leva semanas soa no porto de Marín.

En outubro de 2025, a entidade xa fixera un chamamento a non molestar estes dous golfiños solitarios, unha femia adulta e a súa cría.

En maio de 2024 detectaron dous golfiños da especie Tursiops truncatus no porto da Guarda. Posteriormente desprazáronse a Baiona antes de asentarse na ría de Arousa.