Moita afluencia en Manzaneda na primeira fin de semana que está aberta para esquiar
Este sábado había 9 pistas abertas e case seis quilómetros esquiables
Primeira fin de semana de neve na estación de Manzaneda, que abría as súas portas o martes pasado.
As boas condicións meteorolóxicas atraeron ata aquí este sábado persoas chegadas de toda Galicia.
"Vimos desde Vilanova da Arousa. Viñemos porque el é fan da neve e sabe esquiar. Como vimos que había neve decidimos pasar aquí o día".
"Vimos de Cambados porque facía un día estupendo. Hoxe é o primeiro día de neve e queriamos gozar del".
O día comezou con 9 pistas abertas e case seis quilómetros esquiables, e cun espesor máximo de 25 centímetros. Nas pistas coincidían os esquiadores habituais con persoas que practicaban o esquí por primeira vez.
"Vimos desde o Barco de Valdeorras. Regaláronlle á nena unha experiencia dun curso de esquí e viñemos pasar o día. Está un día bárbaro"
"Probei o esquí pero non me gustou tanto, pero na zorra si"
Segundo a predicción de Meteogalicia, as temperaturas mínimas en Manzaneda vanse manter por debaixo dos cero graos ou superaranos por moi pouco, o que vai axudar a que a neve se manteña nos últimos días do ano.
