Miradoiros de vertixe en Trives para gozar da Ribeira Sacra

Na Ribeira Sacra hai dous lugares que están a ser todo un éxito entre aqueles que se achegan ata a Pobra de Trives: O miradoiro Pedras de Rome, en pleno val do Navea, declarado a primeira paisaxe protexida de Galicia, e o miradoiro Pontenova.

Estes dous balcóns naturais de deseño permiten contemplar a contorna e a paisaxe privilexiada desta zona.

O concello decidiu promocionalos a vista de paxaro para dar a coñecer a riqueza natural destas terras, e as fermosas vistas que ofrece dende aquí a Ribeira Sacra.