Unha avaría na rede da traída provoca o derramamento dun millón de litros en Lugo

Xa van máis de millón e medio de litros de auga derramados pola calzada da rúa Escocia de Lugo, segundo calcula a veciñanza desta zona, por mor dunha avaría nas canalizacións da traída que se produciu hai case un mes.

Aseguran que a reparación é complexa porque, ao parecer, estas infraestruturas que subministran auga potable nesta zona están feitas de fibrocemento con amianto e teñen máis de corenta anos.

Este material, denuncian, libera fibras canceríxenas no caso de rachar ou degradarse polo que cómpre manipulalo con extrema precaución cando se arranxa calquera avaría.