Milleiros de persoas enchen Ponteareas para contemplar a arte das súas alfombras
Teñen máis de 150 anos de antigüidade e son candidatas a Patrimonio Inmaterial da Humanidade
Tras varios días e mais unha noite de intenso traballo, as rúas de Ponteareas luciron os seus tradicionais mantos de flores na honra ao Corpus Christi, unha tradición centenaria, a máis antiga da península Ibérica, e candidata a Patrimonio Inmaterial da Humanidade.
En Ponteareas, foi unha noite de actividade intensa. Man a man, traballaron arreo para confeccionar as alfombras florais do Corpus, que lucían así esta maña.
Por estas alfombras desfilou pouco despois do mediodía a procesión do Corpus Christi. Están confeccionadas cunha gran variedade de plantas, como a hortensia, o mirto, a mimosa, o fiúncho ou a rosa.
Milleiros de persoas enchen Ponteareas esta fin de semana para ver as alfombras florais.
A tradición das alfombras florais do Corpus de Ponteareas ten máis de 150 anos de antigüidade e a festa está declarada de Interese Turístico Internacional.
