Milleiros de funcionarios de xustiza maniféstanse en Madrid para esixir melloras laborais
O Ministerio de Xustiza convocou para este xoves o comité de folga para negociar as reivindicacións
Os sindicatos convocantes cifran entre 5.000 e 6.000 o número de funcionarios procedentes de toda España que se sumaron á mobilización. Amais hoxe está convocada unha xornada de folga para pedir unha redefinición das súas funcións e unha suba de ata 450 euros, similar á lograda polos letrados hai dúas semanas.
O Ministerio de Xustiza convocou mañá o comité de folga para negociar as reivindicacións. Os sindicatos advirten: "A ministra debe darlle unha oportunidade á negociación presentando de verdade unha proposta seria que permita pechar este conflito. Imos con ese ánimo, pero tamén coa advertencia seria de que isto non o para ninguén se non hai unha oferta económica razoable", segundo o responsable de xustiza de CSIF.
