Martín de la Puente estará na final de dobres en Wimbledon, pero non puido meterse na individual
O británico Alfie Hewett, que xa lle gañara a final en 2024, pechoulle o camiño do partido polo título
En dobres si estará na final xunto a Ruben Spargaaren
O tenista vigués Martín de la Puente quedou ás portas da final individual de Wimbledon, partido no que si vai estar na categoría de dobres na competición de cadeira de rodas.
O galego, terceiro cabeza de serie, superou con autoridade o estadounidense Casey Ratzlaff por un dobre 6-1, pero as portas da final pechoullas o británico Alfie Hewett, vixente campión e o seu verdugo na final do pasado ano. 6-0 e 7-5 foi o resultado deste encontro en pouco menos de hora e media.
En dobres, De la Puente e o seu compañeiro, o neerlandés Ruben Spaargaren, derrotaron a dupla Ji/Lysov (2-6, 3-6) e pelexarán polo título. En fronte poderían ter outra parella con presenza española: Daniel Caverzaschi e o xaponés Tokito Oda, se superan a súa semifinal.
