Martín de la Puente clasifícase ás semifinais de Wimbledon

O galego Martín de la Puente clasificouse este xoves ás semifinais do torneo de cadeira de rodas de Wimbledon ao derrotar o estadounidense Casey Ratzlaff por un dobre 6-1.

O vigués, terceiro cabeza de serie do torneo, está a un partido de repetir a final que xa logrou o ano pasado.

Enfrontarase en semifinais ao británico Alfie Hewett, catro veces campión do torneo -a última en 2021-. A outra semifinal disputarana o xaponés Tokito Oda contra o arxentino Gustavo Fernández.