Marianne Vos repite triunfo e consolida o seu liderado

A ciclista neerlandesa Marianne Vos (Jumbo-Visma) afianzou a súa condición de líder ao repetir vitoria na cuarta etapa da primeira edición da Volta a España Feminina, unha xornada de perfil ondulado e 133 quilómetros disputada este xoves entre as localidades de Cuenca e Guadalaxara.

Marianne Vos impúxose ao esprinte na chegada a Guadalaxara por diante da danesa Emma Norsgaard (Movistar) e da suíza Marlen Reusser (SD Worx), segunda e terceira respectivamente.

É o triunfo número 216 da ciclista neerlandesa do Jumbo. A Volta a España continuará este venres coa disputa da súa quinta etapa, de perfil montañoso e 129 quilómetros.

M A R I A N N E ̷V̷ ̷O̷ ̷S̷ BOSS‼
🏆 𝐺𝑢𝑎𝑑𝑎𝑙𝑎𝑗𝑎𝑟𝑎✅#LaVueltaFemenina 📸 @SprintCycling pic.twitter.com/rApr2jWF7t

— La Vuelta Femenina by Carrefour.es (@LaVueltaFem) May 4, 2023