Marc Soler gaña en solitario na Farrapona antes da chegada da Volta a Galicia
Vingegaard e Almeida manteñen o pulso pola xeral
O Israel Premier Tech decidiu retirar o nome do país do maillot dos seus ciclistas para "priorizar a seguridade"
Na saída da etapa de Avilés volveu haber protestas contra o equipo israelí
A Volta a España chega mañá a Galicia, cunha etapa que parte de Asturias e finaliza en Monforte de Lemos, nunha xornada propicia para as escapadas.
Na carreira proseguen as protestas contra Israel e contra o equipo Israel Premier Tech. Tamén no arranque de hoxe en Avilés, día no que a dirección do equipo israelí decidía retirar o nome do país dos maillots dos seus ciclistas. Unha decisión que afirmaban tomar "para priorizar a seguridade", segundo dicía o comunicado emitido.
A décimo cuarta etapa gañouna Marc Soler, terceira vitoria española na Volta. Protagonizou a fuxida da xornada, atacou a doce quilómetros, e levou a etapa no alto da Farrapona. Vingegaard entrou segundo, gañoulle ó esprinte a Almeida e sacoulle outros dous segundos de bonificación na xeral.
