Manquillo asegura estar "preparado" para xogar o vindeiro partido
Malia estar ano e medio case sen xogar por problemas físicos o xogador confesa que está ao cen por cen
Coincidiu con Rafa Benítez no Newcastle
A gran dúbida con Javier Manquillo é o seu estado físico. Trátase dun lateral dereito de contrastada experiencia, con oito anos e medio en grandes equipos da Premier League e un no Marsella da Ligue 1. A calidade está máis que contrastada pero só foi quen de participar en 4 partidos (30 minutos) na última temporada e media.
Foi o que centrou as preguntas dos xornalistas na súa presentación como novo xogador do Celta e o futbolista despexou calquera incógnita: "Estou ao cen por cento, xa para xogar no vindeiro partido", confesou un Manquillo que leva varios días adestrando co Celta.
"A decisión foi moi doada", quería volver á Liga e a presenza de Rafa Benítez co que coincidiu no Newcastle resultou decisiva para convencer ao canteirán do Atlético de Madrid.
