Manifestacións en Madrid e Santiago en apoio ao pobo palestino
En Madrid estaba a voceira de Podemos Isa Serra e a responsable da secretaría internacional Idoia Villanueva
En Santiago, o BNG sumouse á concentración que reclama a liberdade para Palestina
En Madrid, centos de persoas concentráronse na Porta do Sol para amosar o seu apoio ao pobo palestino. Entre os manifestantes estaba a voceira de Podemos Isa Serra e a eurodeputada e secretaria de Internacional da formación morada Idoia Villanueva.
E tras o ataque terrorista de Hamas contra Israel, tamén en Galicia se suceden as reaccións. Varias organizacións autodenominadas internacionalistas como Mar de Lumes ou Galiza por Palestina convocaron esta tarde unha concentración en Santiago de Compostela en apoio a Palestina e contra a política practicada polo estado de Israel.
O BNG tamén se sumou a unha concentración que reclama a liberdade para Palestina. Na convocatoria estiveron presentes o deputado no Congreso, Néstor Rego e dirixentes como Bieito Lobeira.
