Maleni, unha muller con down monta unha tenda de delicatessen en Vigo

Maleni aos seus 56 anos acaba de cumprir o seu soño de ter a súa propia empresa Lamandala: unha tenda de produtos gourmet con sede física no Centro Comercial Catro de Coia en Vigo e que vende tamén por instagram e pola súa propia web: Lamandala.es.

Ofrece caixas con produtos delicatessen que cambiarán cada mes por vinte catro euros. Tamén vende packs de benvida para pisos turísticos para o almorzo con varios cafés, azucre, edulcorante, e aceite, vinagre e sal.

O proxecto foi posible grazas á súa tenacidade e ao apoio do seu irmán e gardador , da súas outras irmás e da súa cuñada que a acolleu na casa cando veu a Vigo.

Souberon ver o potencial de Maleni que adora os mandalas e lle gusta montar caixas. A idea empresarial que ofrece produto galego de calidade está a ter grande éxito de momento no barrio vigués de Coia.

A empresaria está aberta a novas colaboracións xa que as caixas serán distintas cada mes.

Hai meses tamén conseguiu vivir pola súa conta cunha compañeira de piso. Nada é imposible con ilusión e con apoio.